Tour de Islande

Nú er ég búin að vera að hjóla á racer hjóli nokkrar vikur og þetta er meiriháttar gaman. Það er verst að maður getur varla hætt  

Það er mjög létt að hjóla þessu og þægilegur ferðahraði er 30-35 km/klst en lítið mál að fara í 40-50 km í spretti ef göturnar leyfa það. Verst er að þetta gengur eiginlega ekki á göngustígana, bæði eru þeir oft óslettir og maður nær bara ekki hraða í beygjunum. Ég hef reynt helst að vera á fáförnum götum. Innan miðbæjar hraða heldur maður léttilega en er bara smá skrítið að hjóla í traffíkinni í hringtorgum oþh. Hjóla samt ekki í traffík nema geta haldið sama hraða.

Dekkin eru nú ekki hrifinn af möl og glerbrotum, búið að springa dekk 3svar hjá mér enda eru dekkin örþunn, bara eins og pappír á þykkt, slangan er eiginlega þykkari.

Pedalarnir eru öðruvísi en ég á að venjast. Maður notar spes skó í þetta sem læsast við pedalana svo maður geti togað upp líka þegar maður hjólar. Verður gaman að fara lengri ferðir á þessu í sumar

 

Athugasemdir

[Friðrik Sverrisson 22.6.2008 kl. 11:45]

flott græja cannondale kannski eins og félagi mirco var á í jonesboro snilldar græja

[Walter Ehrat, 29.6.2008 kl. 19:23]

Þetta er top of the line Frissi minn. Europris special edition  Ekki alveg Cannondale en það stendur bæði "Magnum" og "Sport" á því svo þetta hlýtur að vera eitthvað voða fínt.

En það er reyndar bara ansi gott að hjóla á þessu þó það hafi ekki verið dýrt

[M agnus 3.7.2008 kl. 17:08]

Hver ert þú og hvað hefur þú gert við vin minn hann hefði aldrey sest upp á farartæki sem er ekki knúið áfram af mótor