Messenger

Geimfarið Messenger (Ekki Messanger eins og Visir.is segir) fór hjá Merkúr 14 janúar og hóf þá að senda upplýsingar til jarðar. Messenger er búinn að vera 3.5 ár á leiðinni og hefur ferðast 2milljarð mílna sem verður að teljast dágóður spotti.

Nafnið Messenger stendur fyrir "MErcury Surface, Space ENvironment, GEochemistry, and Ranging"

Árið 1974 og 5 fór Nasa geimfarið Mariner 10 hjá Merkúr og myndaði yfirborð plánetunnar. Messenger mun núna fljúga hjá Merkúr í tvö skipti til viðbótar þar til hann fer á sporbaug 2011 og mun klára að kortleggja plánetuna.

Merkúr er sú pláneta í sólkerfinu sem er næst sólinni og er birta sólar allt að 11 sinnum meiri þar en hér á jörðinni og hitasveiflur frá -180°c til +430°c.

Af Vísir.is

Vísindamenn í skýjunum vegna mynda frá Merkúr

Vísindamenn eru yfir sig hrifnir af myndunum sem Messanger, geimfar bandarísku geimvísindastofnunarinnar NASA sendir frá plánetunni Merkúr þessa dagana.

Messanger er fyrsta geimfarið sem fer á sporbaug um Merkúr og myndir þær og upplýsingar sem farið sendir hafa varpað nýju ljósi á plánetuna. Meðal annars hafa fundist traustar sannanir fyrir því að eldfjallavirkni var til staðar á plánetunni fyrr á tímum.

Stór fjöll eru til staðar á Merkúr sem myndast hafa í eldgosum eða jarðhræringum og á yfirborði plánetunnar er að finna gíga eftir loftsteina sem eru ólíkir þeim gígum sem finna má á tunglinu.

Á myndinni sést einn af gígunum sem taldir eru sanna eldfjallavirkni á Merkúr. Hann hefur hlotið nafnið Símagígurinn vegna sérkennilegrar bergmyndunnar í honum miðjum.